Tras máis de catro meses en prisión preventiva, a exvicepresidenta do Parlamento Europeo, Eva Kaili, volverá á súa casa, onde quedará baixo vixilancia electrónica. Así o anunciaba o avogado da acusada, Sven Mary. «Non farei máis comentarios, salvo o feito de que se trata dunha decisión lóxica que tardou moito tempo en tomarse», concluíu. A posta en liberdade da exvicepresidenta do parlamento Europeo foi tamén confirmada polo propio fiscal do caso. Desde que estalou o escándalo de corrupción no Parlamento Europeo, o pasado mes de decembro, das cinco persoas acusadas penalmente, só a eurodeputada grega continuaba á espera de que se lle concedese saír de prisión. O seu compañeiro de vida Francesco Giorgi está en liberdade vixiada, mentres que a Pier Antonio Panzeri, considerado o cerebro da trama, e ao eurodeputado belga Marc Tarabella tamén se lles concedeu esta liberdade.