A Consellería de Medio Ambiente, Territorio e Vivenda comunicoulle ao Concello da Baña que se vai iniciar a avaliación de impacto ambiental de dous parques eólicos solicitados pola empresa Gren Capital Power SL en terreos do termo municipal da Baña. A documentación pódese consultar na web da Consellería durante 30 días.
O parque eólico do Barrosino solicitado por Gren Capital Power SL consta de 3 aeroxeneradores de 127,5 metros de altura, cun diametro de rotor de 145 m e capacidade para xerar 13,5 MW (megawatios).
O parque eólico de Vilartoxo situarase nos municipios da Baña e Val do Dubra, e consta de 6 aeroxeneradores de 127,5 metros de alto e un diámetro e rotor de 145 metros (4 deles estarán na Baña), con capacidade para xerar 27 MW. Na Baña, afectará a montes das parroquias de Lañas, Troitosende e Cabanas.
A Consellería comunicoulle ao Concello o inicio da tramitación do parque de Barrosino, e o expediente de Vilartoxo.