A familia de Alfredo Pérez Rubalcaba enterrou este domingo as súas cinzas xunto aos seus pais no cemiterio da Paz-Tres Cantos, na localidade madrileña de Alcobendas. Segundo explicaron fontes da familia, todas as flores recibidas estes días foron entregadas ao PSOE para que sexan distribuídas durante a campaña electoral nos mitins que se celebran nos distintos municipios españois.
Máis dun milleiro de persoas despediron o sábado na Porta dos Leóns do Congreso a saída do féretro do histórico dirixente socialista, flanqueada polo presidente do Goberno, Pedro Sánchez, e a do Congreso, Ana Pastor, así como por altos cargos do Executivo e do PSOE. Tras esa despedida o enterro e a súa incineración celebrouse na máis estrita intimidade.