A fiscal xeral do Estado, Dores Delgado, presentou este martes a súa renuncia ao cargo alegando motivos de saúde tras ser intervida da columna vertebral. A ministra portavoz de Xustiza, Pilar Llop, informou na roda posterior ao Consello de Ministros do cesamento de Delgado «a petición propia» e subliñou que as razóns son “exclusivamente médicas e de saúde”, xa que ten “as costas rotas e dúas hernias discales”. “Os médicos recomendáronlle tranquilidade, evitar tensións e advertíronlle de que a súa saúde está en risco”, asegurou. E valorou a renuncia de Delgado como “un exercicio de responsabilidade”: “Ela é consciente da enorme esixencia que require” o cargo e “entende que o servizo público require unha entrega absoluta que é incapaz de asumir”.
37