Aínda que esta folga está motivada por conflitos laborais alleos ao Concello, dende Servizos Sociais emitiron un comunicado informando de que á folga indefinida das traballadoras externas do Servizo de Axuda no Fogar (SAF), convocada por parte dunha organización sindical a partir do vindeiro día 2 de novembro, a atención que prestan ás persoas usuarias do servizo de axuda no fogar podería verse afectada como consecuencia da mesma e por causas alleas á propia Administración.
Dende o Concello de Carballo, establecerán uns servizos mínimos, para que se poida garantir unha calidade mínima na prestación do servizo ás usuarias e usuarios máis vulnerables, agardando que se poidan cumprir ou, cando menos, que os servizos prestados se vexan afectados o menos posible por esta folga.