O Servizo de Protección da Natureza (Seprona) de Arteixo detivo a un home como presunto autor dun delito de incendio forestal. As accións desenvolvéronse a raíz dun lume ocorrido o pasado 26 de agosto no lugar de Cabanela, en Traba de Laxe.
Grazas á acción da cidadanía extinguiuse con gran rapidez evitando un grave perigo tanto para as persoas como para os bens, dado que o punto de inicio do incendio localizábase entre dúas vivendas, nun camiño forestal próximo a unha masa arborizada, con gran maleza nos arredores.
A Garda Civil iniciou unha investigación en aras do esclarecemento das causas do mesmo e a identificación do autor ou autores no seu caso, logrando, tras análise exhaustiva da información solicitada, a identificación do presunto autor do ilícito.
Unha vez coñecida a identidade, a Garda Civil procedeu á detención deste home, veciño de Laxe, como presunto autor dun delito de incendio forestal.
O detido, xunto coas actuacións realizadas, foi posto ao dispor do Xulgado de Instrución de garda de Carballo.