A Garda Civil do posto principal de Arteixo detivo a un home ao que lle constaba unha sinalización de procura e detención
como suposto autor dun delito de Violencia de Xénero.
Os feitos sucederon cando un garda civil destinado na citada Unidade que se atopaba franco de servizo, observou a un home do que tiña coñecemento que lle constaba unha sinalización de procura e detención en vigor como presunto autor dun delito de VioGén na localidade da Laracha.
Inmediatamente, aproximouse a esta persoa procedendo, tras identificarse como garda civil, á súa detención como presunto autor dun delito de violencia de xénero, solicitando a continuación a través da Central Operativa de Servizo (COS) a presenza dunha patrulla en servizo para o seu traslado ás dependencias da Garda Civil.
Unha vez acudida a patrulla o lugar, procederon ao traslado desta persoa, que nese momento se atopaba custodiado polo garda civil e unha patrulla da Policía Local da Laracha, ás dependencias oficiais da Garda Civil en Arteixo para a instrución das correspondentes dilixencias.
O detido, xunto coas actuacións realizadas, foi posto ao dispor do Xulgado de Instrución en funcións de garda de Carballo.
0