49
A Garda Civil extrema a vixilancia nas estradas para que só se realicen os desprazamentos imprescindibles e asegurar que se respecta a norma dun único pasaxeiro por vehículo. Hai puntos de control en toda a rede viaria galega. O Ministerio do Interior advertiu que podería pechar estradas para frear a propagación do virus. Circulan principalmente vehículos de transporte, pero os axentes están atentos sobre todo ao tránsito de coches particulares. O helicóptero da Dirección Xeral de Tráfico súmase a estes labores de control nas estradas. Sobrevoa especialmente as zonas de lecer para evitar os desprazamentos a segundas residencias. Alerta a Garda Civil dos puntos nos que detecta un tráfico máis intenso do normal.