- Ao xefe da organización, investigado en España e Italia, relaciónaselle ademais con varios homicidios e asasinatos nos anos 80 e 90
A Garda Civil e a Axencia Tributaria de España detiveron no marco da operación “Ingenere” a 38 persoas ás que se lles imputan presuntos delitos por xogo ilícito, branqueo de capitais e extorsión. Dous dos detidos estaban asentados en Barcelona e nas Illas Canarias.
A investigación foi desenvolta en España, Italia e Austria nunha actuación simultánea da Garda Civil, a Axencia Tributaria, a arma de Carabinieri italiano e a Policía austríaca.
Ao xefe da organización, investigado en España e Italia, relaciónaselle ademais con varios homicidios e asasinatos nos anos 80 e 90.
Tamén foron bloqueadas e embargadas 37 propiedades e 19 sociedades por un valor aproximado total de 14 millóns de euros,e foron intervidos numerosos vehículos e contas bancarias.
Esta organización criminal fíxose de forma ilícita co control do sector do xogo en Italia mediante a xestión e subministración de máquinas de xogos de azar, utilización de software ilícito, así como xogo online. Froito destas e outras actividades xerábanse grandes beneficios económicos que eran utilizados para a concesión de créditos e préstamos que posteriormente lle cobraban ás súas vítimas mediante extorsión.