A Garda Civil do Posto da Laracha investigou a un home veciño da localidade como presunto autor dun delito de ameazas de morte con arma branca. Os feitos ocorreron o pasado día 27 de novembro cando nas inmediacións dun local de lecer nocturno na Laracha o agora investigado ameazou a varias persoas cunha barra de ferro e posteriormente con varios coitelos dun tamaño considerable. Tras a denuncia presentada pola vítima e a toma de manifestación de varias testemuñas, a Garda Civil iniciou unha investigación en aras da identificación do autor dos feitos. Tras unha procura minuciosa das armas brancas utilizadas e a súa posterior localización a Garda Civil procedeu á investigación desta persoa por un suposto delito de ameazas de morte con arma branca.
43