Trátase de dúas populares webs de ecommerce que operaban en España e que acumulaban numerosas queixas por parte dos seus clientes. Agora, o acceso a ambas as páxinas non funciona. Se se tenta acceder a elas, o usuario atópase a seguinte mensaxe: «este dominio foi intervido e atópase ao dispor da Autoridade Xudicial» acompañado polo escudo da Benemérita. OkMarket.es e alianglobal.com eran dúas páxinas webs de venda de produtos por Internet. Tanto a primeira, centrada na venda de tecnoloxía, como a segunda, enfocada aos artigos para o fogar, caracterizábanse por anunciar produtos cuns prezos moi inferiores aos de mercado como reclamo. Isto deu lugar ao escepticismo dos consumidores tal e como se pode ler en grandes foros online e numerosos usuarios cualificaban directamente de «fraude» e «estafa» a actividade comercial destas páxinas, asegurando que os produtos nunca lles foron entregados. Agora, de momento, a Garda Civil interveunas.
40