O Servizo Marítimo Provincial da Garda Civil da Coruña retén 7 sacos de rede que tras proceder ao seu pesado na báscula homologada de Gardacostas arroxaron un peso de 49,21 kg, o vehículo utilizado para o seu transporte e os útiles empregados para a súa extracción.
Efectivos do Servizo Marítimo Provincial, en colaboración con dous axentes de Gardacostas e os Gardas rurais da Confraría de Porto do Son, montaron un punto de vixilancia na zona de Castro de Baroña. Durante o mesmo localízase a varios individuos realizando labores de extracción de percebes e un vehículo estacionado nas proximidades, tras saír da auga introducen no maleteiro os equipos e capturas e inician a marcha. Os efectivos da Garda Civil montaron un punto de control, dando o alto ao vehículo e indicándolle ao condutor que se desvíe cara á beiravía. No momento en que os efectivos se aproximan ao turismo, o seu condutor iniciou a fuxida a gran velocidade, manobrando de forma temeraria.
A forza actuante comezou o seguimento, localizando pouco despois o vehículo mal estacionado na praia de Boa coas capturas e neoprenos no interior pero sen ocupantes. Cando se procedía ao traslado do incautado a dependencias policiais, acudiu o lugar un individuo manifestando que ía no interior do turismo, xunto con dúas persoas que se deron á fuga, que o vehículo era propiedade da súa muller e quería recuperalo.
Tamén manifestou que el realizaba os labores de vixilancia e identificou aos outros dous individuos, que eran os que realizaban a extracción. A Garda Civil procedeu á incautación das capturas, os útiles empregados e do vehículo. Os percebes incautados foron entregados nun centro benéfico.