A benemérita sorprendeu nas inmediacións de Carballo a un condutor dunha bicicleta de montaña circulando en sentido contrario á circulación, sen casco, sen luces e sen ningunha peza reflectora. Sometido ás probas preceptivas para detección do grao de impregnación alcohólica, arroxa un resultado positivo de 0,44 mg/l; formulándose os correspondentes boletíns de denuncia polas infraccións observadas.
Lémbrase que a sanción por conducir con drogas ou alcol no organismo pode chegar a ser de mil euros e perda de 6 puntos no carné e que podería constituír un delito contra a seguridade viaria, o que comporta penas de prisión de tres a seis meses, multa de seis a doce meses e, en calquera caso, coa de privación do dereito para conducir vehículos de motor e ciclomotores por tempo superior a un e ata catro anos.