O Club Patín Conxuro organiza por primeira vez, o Campionato Preseleccións Provinciais Libre (Cadete a Senior) de patinaxe que se vai celebrar no pavillón Municipal da Laracha este sábado día 5 de febreiro desde as 9:30h ata as 20:20 horas e domingo 6 de febreiro desde as 9:30h hasta as 14:45horas.
Trátase dunha proba federativa oficial, a primeira da tempada, á que acudirán preto de 100 patinadores, das provincias de Coruña e Lugo, na que realizarán o seu programa coa finalidade de acadar a categoría nacional ou rexional para o resto da tempada.
Tomarán parte no evento vinte clubs de patinaxe, en concreto CP Velúa, CPA Brión, CDP Boiro, CP Oroso, CPA Omega, CPA Ágora, CP Sarela, CD Fontiñas, CP Riberira, CP Compostela, CDP Berenguela, CP Campus Stellae, CP Buxaina, CP Lenda, CP Axel, CPA Eiriz, Noia Patín, CP Anca, CPA Maxia, e o clube organizador, CP Conxuro A Laracha.
O CP Conxuro presenta a 5 das súas patinadoras:
- Cadete: Marta Andrade, Paula Rey, Xulia Arán e Uxía Freire
- Junior: Ainhoa Cotelo
Esta proba é convocada pola Federación Galega de Patinaxe e conta coa colaboración do Concello da Laracha, a Deputación Provincial da Coruña, a Xunta – Deporte Galego e os patrocinadores «Asteria Café», «Argalla», «O Noso Café» e «Maluca Lobe».