As obras contempladas no proxecto de mellora da estrada no núcleo do Cruceiro da parroquia de Lestón, situado moi próximo á vila de Paiosaco, comezarán a executarse nos próximos días trala reunión previa ao inicio dos traballos mantida polo alcalde, José Manuel López Varela, co representante da contratista, Construcciones Ponciano Nieto S.L., á que foi adxudicada trala licitación aberta á que concorreron oito empresas.
A actuación inclúe a renovación da superficie de rodadura para facilitar o tránsito dos vehículos, a limpeza das cunetas e a mellora da seguridade mediante a sinalización horizontal e vertical.
O orzamento ascende a 48.000 euros a cofinaciar coa Deputación da Coruña ao estar incluída a intervención no Plan Único Concellos.