A intervención consistiu no acondicionamento da plataforma da vía, que anteriormente presentaba un pavimento de terra, mediante a dotación dunha nova capa de aglomerado asfáltico para a superficie de rodadura dentro da zona de núcleo para favorecer o tránsito dos vehículos e usuarios. Tamén se contempla o pintado das marcas viarias e a colocación da sinalización para reforzar a seguridade.
Nos próximos días, o Concello da Laracha, tamén ten previsto executar outras dúas intervencións nos lugares de Proame (parroquia de Lemaio) e A Pedra (Coiro) en estradas de titularidade municipal situadas en núcleos rurais, do mesmo xeito para renovar o pavimento e aumentar a seguridade.
Desde o Concello informan que a conservación e mantemento en bo estado dos máis de seiscentos quilómetros de estradas que conforman a rede viaria local é un asunto prioritario, xa que é cuestión esencial para que existan boas comunicacións entre os máis de trescentos núcleos de poboación que existen no termo municipal.