O coñecido como imposto de plusvalía municipal é o tributo directo que grava o incremento de valor que experimentan os terreos de natureza urbana -están excluídos os terreos rústicos- durante o tempo no que se teñen en propiedade, e que debe liquidarse unicamente en caso de transmisión do ben por venda, doazón ou herdanza, e só se efectivamente existe dito aumento de valor.
A cota do imposto proposta sería o resultado de aplicar o tipo de gravame do 27 % á base impoñible, constituída polo incremento do valor dos terreos posto de manifesto no momento do devengo e experimentado ó longo dun período máximo de vinte anos. A ordenanza contemplaría a bonificación do 50 % nas transmisións por causa de falecemento da persoa titular dos bens.
Así mesmo, tamén se elevará ao Pleno a delegación da xestión deste imposto na Deputación da Coruña do mesmo xeito que se recadan outros tributos municipais como o IBI, IAE e IVTM.