- As intervencións serán financiadas con fondos municipais
O Concello da Laracha iniciará nos vindeiros días as obras de urbanización e reforzo da seguridade viaria na rúa San Martiño, situada no casco urbano de Paiosaco e que dá acceso ao núcleo da Agrela. O investimento total acada uns 35.000 euros que serán financiados con fondos municipais.
A intervención inclúe a canalización soterrada da rede eléctrica ao longo dunha distancia lineal duns 150 metros, contemplándose a eliminación dos catro postes do actual tendido aéreo. Isto permitirá dispoñer dun maior espazo na calzada, que pasará a ter unha amplitude máxima de sete metros e medio.
O alcalde, José Manuel López Varela, e os concelleiros Jesús Souto e Ramiro Bello reuníronse na propia rúa San Martiño antes do comezo das obras.