O Concello da Laracha sacará a licitación nos próximos días o novo contrato para a prestación do servizo de mantemento das zonas verdes públicas de titularidade municipal.
A finalidade é a conservación das principais áreas de recreativas e de descanso das parroquias, así como das prazas e parques públicos, os paseos fluviais e marítimo e os entornos de edificios e instalacións de titularidade municipal.
Os servizos que comprenderá o contrato serán o continuo mantemento en bo estado, o coidado das especies vexetais e, de ser o caso, a reparación dos sistemas de rego automático das áreas verdes nos seguintes espazos públicos:
- Torás: prazas do Concello, Maximino Canedo, O Recreo, da Cultura, Olonne sur Mer, Anselmo Graíño (igrexa parroquial) e piscina; área recreativa de Gabenlle e o seu entorno, sendas peonís da AC-552 e da vía A Cheda-Gabenlle; IES Agra de Leborís, CEIP Otero Pedrayo e escola infantil da Laracha; aparcamentos públicos de vehículos, nova zona deportiva xunto ao IES Agra de Leborís e área de recreo canino.
- Lestón: recinto feiral de Paiosaco, xardín xunto ao centro sociocultural, praza do Cruceiro e aparcamentos públicos.
- Caión: paseo marítimo ao completo, aparcamentos xunto á praia, noiros da praza Eduardo Vila Fana e os próximos ao porto, praza da Ribeira, entorno do colexio e intersección da rúas Méndez Núñez co Campo da Insua.
- Cabovilaño: urbanización Monte Claro e áreas de descanso de O Regado e O Vilar.
- Golmar: entorno do Museo dos Muíños.
- Lemaio: O Igrexario e entorno do cemiterio.
- Montemaior: O Igrexario (praza e entorno da escola) e Cumiáns (escola e pista polideportiva).
- Soandres: entorno do mosteiro.
- Lendo: entorno do centro sociocultural.
- Vilaño: praza da Areosa.
- Soutullo: praza no entorno da igrexa e aparcamento.
- Parque empresarial: glorieta e senda peonil de acceso e entorno do viveiro de empresas e da nave municipal.
En total todos estes espazos públicos suman unha superficie de 85.108 metros cadrados.