A actuación, completada polo Concello da Laracha, consistiu na renovación da superficie de rodadura dos vehículos cunha nova capa de aglomerado ao longo dos seiscentos metros de lonxitude desta vía, o reforzamento dos bordes da calzada e a correspondente sinalización horizontal e vertical para aumentar a seguridade viaria.
Polo emprazamento da estrada obxecto desta intervención, tamén se facilitan os acceso á igrexa parroquial de San Martiño de Lestón desde o núcleo urbano de Paiosaco.
Este proxecto, no que foron investidos máis de 30.000 euros, forma parte do plan municipal para a mellora e conservación da rede viaria, cuxa finalidade é ofrecer boas comunicacións rodadas á totalidade dos máis de trescentos núcleos de poboación rural do Concello da Laracha.