- Aínda quedan prazas dispoñibles nos cursos de pádel para adultos que se realizarán nas mañás dos sábados
Xa está en marcha o curso de pequecociña do programa municipal de actividades 2021-2022 da Laracha. Unha vintena de nenos asistirán os luns ás clases que se devolverán nas instalacións do centro sociocultural de Lendo de 17:00 a 19:00 horas durante catro meses.
O curso estaba previsto que se iniciase en xaneiro, pero retrasouse o seu comezo debido á situación epidemiolóxica naquel momento. É o mesmo caso dos cursos de bailes latinos para adultos e de tiro con arco para nenos que principiaron o pasado xoves e o sábado respectivamente.
As últimas actividades poranse en marcha en marzo. Xa están todas as prazas cubertas nos dous cursos de informática (iniciación a internet e emprego do paquete Office), cociña, arte floral, aquagym e pádel para nenos; pero aínda quedan prazas dispoñibles en pádel para adultos, tanto na quenda de iniciación como na de perfeccionamento. En ambos casos o horario será os sábados pola mañá e terá unha duración de tres meses, comezando o 5 de marzo.
Desde o goberno local móstranse moi contentos co éxito de participación que está a ter este programa con máis de 1.000 inscritos.