33
O seu candidato, Pancho Casal, mantivo un encontro con empresarios da área metropolitana viguesa, onde debullou o programa da súa coalición en materia económica e laboral, e asegurou que para que Galicia progrese é vital que o fagan as súas empresas.
Un país non pode vivir sen empresas, sen unha industria forte e transformadora, e son tan importantes as pequenas como as grandes empresas, todas son imprescindibles para o desenvolvemento dunha sociedade, di Pancho Casal.
Casal tamén advertiu da importancia das eleccións do 12 xullo, que vai máis aló, dixo, da propia lexislatura. E reivindicou a Marea como a verdadeira forza progresista do país.