35
Membros da Marea Galeguista palparon de cerca este venres a problemática que tiveron e teñen os veciños e veciñas da contorna da marisma de Baldaio, igual que o fixeron con anterioridade cando as vivendas estaban asolagadas, meses atrás. Estiveron presentes nesta xuntanza a candidata número dous pola Coruña, María Chao, o número tres, Orlando Villamayor, ademais do representante de zona, Xesús Deus Gende. En palabras de, Xesús Deus, comprométense a loitar para que os problemas que padece a lagoa deixen de ser un pesadelo para a veciñanza, tanto para vivendas como para o marisqueo, loitando por todo o que precise a zona.