A máscara en interiores podería desaparecer tras a Semana Santa

Técnicos do Ministerio de Sanidade e as comunidades autónomas expuxeron poñer fin ao uso obrigatorio da máscara en interiores a partir de Semana Santa, coa excepción de hospitais, residencias e transporte público, segundo un borrador do Relatorio de Alertas, Plans de Preparación e Resposta. Con todo, o Relatorio volveu a subliñar a eficacia das máscaras para reducir o risco de transmisión de todo tipo de virus respiratorios ao reducir os aerosois que emitimos ao respirar, falar, gritar, toser ou esbirrar. Ademais, apuntaron que a medida axudou «a reducir o medo aos contaxios e ao retorno ás actividades normais» nun país como España, onde a acollida desta ferramenta foi «moi alta» ao longo da pandemia.