Chega a Nova lei de vivenda a España. Finalmente, a nova lexislación aprobarase en consello de ministros nas próximas semanas segundo o propio Executivo. A lei regulará os prezos do alugueiro nas zonas máis tensionadas. Os propietarios de máis de 10 vivendas nestas zonas – que establecerán as comunidades autónomas previa consulta ao goberno- terán que baixar o alugueiro en base ao índice de referencia. Os pequenos propietarios que teñan inmobles nesas zonas deberán conxelar os alugueiros, ou ben baixar o prezo, se fan isto último, aplicaránselles bonificacións fiscais. Aqueles que manteñan pisos baleiros nesas zonas poderían enfrontarse a un aumento do Imposto de Bens Inmobles de ata un 150%, que fixarán os concellos. Ademais, o Goberno obrigará a reservar un 30% da vivenda en construción como vivenda protexida e dará axudas de 250 € aos mozos de entre 18 e 35 anos con rendas anuais inferiores aos 23.000 euros para facilitar a súa emancipación.
37