A Organización Mundial da Saúde (OMS) compareceu este luns en rolda de prensa para actualizar a evolución da pandemia a nivel mundial. Durante a comparecencia, o director xeral, Tedros Adhanom Ghebreyesus, avisou de que o descontrol de casos de coronavirus en India e Brasil, «podería ocorrer noutros lugares» se non se cumpren as medidas para evitar os contaxios. «O que está a ocorrer na India e en Brasil podería ocorrer noutros lugares a menos que todos tomemos estas precaucións de saúde pública que a OMS estivo pedindo desde o comezo da pandemia. As vacinas son parte da resposta, pero non son a única resposta», sinalou Tedros desde Xenebra (Suíza), afirmando que «nas últimas dúas semanas notificáronse máis casos en todo o mundo que durante os primeiros seis meses da pandemia», máis da metade deses pertencen a India e Brasil.
45