40
Non son días fáciles para a Organización Mundial da Saúde, convertida nunha especie de mestre ao que algúns alumnos escoitan, outros non e uns terceiros critican.
O asunto das vacinas contra o coronavirus é un dos asuntos máis delicados para a OMS, consciente de que non son poucos os que se mostran remisos a recibir as doses.
O Director Rexional da organización, Hans Kluge, afirma que «na OMS anímanos a tomar calquera medida para aumentar a cobertura da vacinación sempre que sexa legal e socialmente aceptable», explica Kluge. «Pero non debería ser o primeiro recurso, porque primeiro temos que tratar de entender que hai na mente da xente, cales son as súas percepcións e logo comprometernos coas comunidades que dubidan en vacinarse».