A primeira misión de rescate de migrantes da ONG italiana ResQ People asistiu a máis de 160 persoas que trataban de chegar ás costas europeas en embarcacións precarias. Os rescates tiveron lugar en augas do Mediterráneo Central, non moi lonxe de Malta, un país que se resiste a autorizar os desembarcos de migrantes rescatados. A bordo do barco humanitario hai cidadáns de Guinea, de Tunes, de Costa do Marfil e de Camerún. Doce son menores de idade e entre eles hai un bebé de nove meses.
ResQ People considera esta primeira misión «un agasallo» á memoria do médico italiano Gino Strada, quen faleceu o pasado venres. Foi o fundador da organización Emergency, dedicada a construír hospitais en zonas de guerra. A súa filla Cecilia é parte da tripulación do ResQ, onde traballa como cooperante.
31