Os equipos de rescate continúan buscando vítimas entre os entullos do edificio da administración rexional na cidade de Mikolaiv, no sur de Ucraína, onde impactou un mísil ruso o pasado martes. A cifra de mortos por este ataque ascende xa a 35, segundo o seu alcalde, outras trinta persoas resultaron feridas. A oficina do Alto Comisionado para os Dereitos Humanos da ONU informou do falecemento verificado de 1.325 civís nas máis de cinco semanas de invasión, entre eles 120 nenos. O número real, aclara, pode ser moito maior. A localidade de Brovari, a 20 quilómetros de Kiev, volveu a mans ucraínas. O plan agora é limpar a zona de posibles minas e equipamento militar rusos. Moitos habitantes regresaron ás súas casas e as tendas comezan a reabrir aos poucos. O presidente Volodímir Zelenski asegura que as forzas rusas estanse reagrupando no Donbás, para dirixirse cara a Járkiv, cidade fronteiriza con Rusia obxecto de intensos bombardeos.
37