Un grupo de expertos de Nacións Unidas leva investigando o estado dos dereitos humanos no país invadido desde maio, e conclúe que se cometeron crimes de guerra en Ucraína desde o inicio da invasión rusa. Ante tal situación, a delegación ucraína ante o consello de Dereitos Humanos de Nacións Unidas pediu a creación dun tribunal especial que poida xulgar a invasión rusa no seu país para que non haxa, di, «impunidade para os perpetradores«.
O embaixador extraordinario ucraíno, Anton Korinevich, asegurou que se «estes actos de agresión por parte dun membro permanente do Consello de Seguridade da ONU non son respondidos, afundirémonos nun escuro mundo de impunidade e permisividade«. Korinevich comparou a brutalidade dos crimes do réxime de Putin en Ucraína cos labores en conflitos como os da antiga Iugoslavia, Ruanda e a República Democrática do Congo.