Cos prezos da enerxía disparados e baixo fortes presións occidentais, a OPEP e outros dez produtores mundiais de petróleo, entre eles Rusia, decidiron abrir as espitas do cru. Este xoves anunciaron que aumentarán a produción en 648.000 barrís diarios nos próximos meses de xullo e agosto. A decisión prodúcese tras a caída do bombeo ruso debido ás sancións e tres días despois da decisión da Unión Europea de cortar drasticamente a importación de petróleo ruso. Rusia reaccionou dicindo que serán os consumidores europeos os que sufran as consecuencias do embargo, augurando que xerará «unha gran escaseza de produtos petroleiros».