- O asunto marcou o pleno municipal extraordinario celebrado na mañá deste luns, convocado para aprobar a petición dun crédito.
A oposición úrxelle ao alcalde dimitir trala condena que o inhabilita para exercer o cargo durante oito anos.
O socialista José García Liñares presidiu o pleno, malia á segunda condena por prevaricación na contratación dunhas obras no xardín botánico e insistiu en que aínda non recibiu a sentenza e xa dirá cando presenta a súa renuncia.
Dende a oposición o Partido Popular reprochouche a García Liñares a petición dun crédito de tres millóns de euros e anunciaron un recurso contra unha decisión que ven como “unha hipoteca” para o Concello sen garantías xurídicas.
O voceiro do PP, Francisco Santos, afirmou que “da a sensación de que estiveron esperando a que o secretario se marchara de vacacións para facer un pleno destas características”.
Ademáis do PP, o BNG tamén pediu a dimisión do alcalde logo da nova condena por prevaricación.
Pola súa banda, García Liñares afirmou que a sentenza é anticonstitucional e que a recorrerá mentres sexa posible.