Os participantes no cume de Vilna non ofreceron a Ucraína aínda a invitación formal para unirse á Alianza. Con todo, crearon un novo foro, o Consello OTAN-Ucraína, que reducirá o número de fases de adhesión de dúas a unha.
«Trátase dun foro no que Ucraína e os aliados da OTAN reuniranse en pé de igualdade, celebrarán consultas en caso de crise e tomarán decisións conxuntamente», expresou o secretario xeral da OTAN, Jens Stoltenberg.
«Ucraína está agora máis preto da OTAN que nunca. Os aliados reafirmaron que Ucraína converterase en membro da Alianza», agregou.
A estas palabras, Zelenski engadiu que «o Consello non é un instrumento de participación; esta é a razón pola que é un instrumento de integración, e eso dános ese espírito do que será». Zelenski non ocultou a súa decepción por non obter resposta da alianza occidental de cando recibirá unha invitación para ingresar na OTAN.