39
O comité clínico que asesora á Xunta de Galicia na xestión da pandemia provocada pola covid-19, acordou na súa xuntanza deste martes o nivel medio de restricións para os concellos de Mos, Oroso, Soutomaior, Viveiro e Xove. O resto dos concellos galegos sitúanse en nivel medio baixo. Non hai polo tanto, ningún concello que teña que cumprir as restricións de nivel máximo ou de nivel alto. O comité volverase reunir o vindeiro martes para analizar, de novo, a situación epidemiolóxica de cada concello. Todas estas medidas entrarán en vigor ás 00:00 horas do vindeiro sábado, 12 de xuño.