Todos os efectivos da Policía Local da Laracha participaron durante esta semana nun curso de detención de drogas que foi impartido por Diego Díaz Outeda, Inspector da Policía Local de Pontevedra e Licenciado en Dereito, e por Manuel López-Rivadulla Lamas, catedrático de Toxicoloxía da Universidade de Santiago de Compostela (USC) e responsable do Instituto Universitario de Ciencias Forenses Luis Concheiro.
A acción formativa tivo por finalidade que os axentes obtivesen os coñecementos necesarios para poder detectar nos condutores de vehículos signos xenéricos e específicos que poidan indicar un posible positivo por consumo de estupefacientes.
Nas ponencias expuxéronse cuestións normativas, xurídicas e médico-legais relacionadas con ditas substancias, así como coñecementos técnicos e prácticos para o desenvolvemento das probas.
Esta iniciativa enmárcase no procedemento de formación continua que reciben os efectivos da Policía Local coa finalidade de actualizar os coñecementos e reforzar as súas capacidades co propósito último de ofrecer un mellor servizo á cidadanía larachesa.