Novo paso para a continuación da ‘Premier League’ en Inglaterrra tras autorizarse os adestramentos con contacto. Os vinte clubs da competición aprobaron «por unamimidade» a práctica de sesións de adestramento en grupo e con contacto físico, aínda que evitando aquelas accións que resulten innecesarias. Con todo, algúns xogadores como Troy Deeney do Watford ou N’Golo Kanté do Chelsea, manifestaron a súa negativa para participar nos adestramentos, co beneplácito dos seus respectivos clubs.
En calquera caso, mantéñense as medidas sanitarias vixentes e todos os futbolistas serán sometidos a probas do coronavirus dúas veces por semana. Ata a data oito xogadores deron positivo tras a realización de 1.744 análise. Aínda non hai data oficial establecida para a continuación da Premier League, aínda que o 19 de xuño é a máis probable. Aínda quedan 92 partidos do campionato inglés por disputarse. Os clubs seguirán ultimando os detalles durante os próximos días.