A Real Sociedade derrotou este sábado por 0-1 ao Athletic de Bilbao e conquistou a Copa del Rey 2020, aprazada a 2021. Na histórica final entre dous equipos vascos, a Real venceu ao Athletic no estadio da Cartuxa cun gol de penalti de Oyarzabal no segundo tempo. O conxunto de San Sebastián levantou a súa terceira Copa. Tivo que esperar 34 anos para coroarse, pois a última foi en 1987, cando venceu na quenda de penaltis ao Atlético de Madrid. O partido xogouse a porta pechada, a Real Sociedade dominou o balón e o marcador na Cartuxa. Na primeira parte, o equipo de Imanol controlou o coiro nun 66% do tempo, con todo, intercambiou golpes co Athletic nas áreas. Tras o paso polos vestiarios, os donostiarras silenciaron ao Athletic, sobre todo despois do gol de penalti de Oyarzabal tras a falta de Íñigo Martínez a Portu. Sobre o final, reculou algo a Real, pero o Athletic nunca puido incomodar a Remiro. Non houbo máis batalla nese tempo ata o minuto 98. Os donostiarras levaban a gloria e os bilbaínos a decepción e a obrigación de levantar a cabeza para tratar de resarcirse en dúas semanas nunha situación case idéntica. Será co FC Barcelona na final da Copa del Rey 2021.
36