O expresidente da Generalitat, Carles Puigdemont, convocara este xoves á cúpula de JxCat en Bélxica para decidir se validar ou non un acordo para investir a Pedro Sánchez, e estaba prevista unha comparecencia ao termo desta reunión -aínda que non convocada oficialmente-, que finalmente non vai ter lugar. A reunión, que durou case seis horas, terminou sen acordo.
«Sempre dixemos que por tratar co sistema político español todas precaucións son poucas. Mantémonos, e afianzámonos. Non cambiaremos a prudencia e precaucións que mantivemos ata o de agora por máis présas que algúns teñan», avisou posteriormente Puigdemont nunha mensaxe publicada na rede social X.