A rexedora de Vimianzo declara por posibles irregularidades na contratación do alumeado de Nadal

• Foi denunciada polo voceiro de Adiante Vimianzo, Manuel Antelo, con respecto á iluminación do ano 2019/2020

Este xoves, a alcaldesa de Vimianzo, Mónica Rodríguez, prestou declaración no Xulgado de Primeira Instancia e Instrución de Corcubión tras ser denunciada polo voceiro de Adiante Vimianzo, Manuel Antelo, por presuntas irregularidades no procedemento de contratación do alumeado de Nadal do 2019/2020.

A rexedora manifestou a súa total “tranquilidade” ao considerar o procedemento “amparado pola legalidade”, e lamenta “contar cunha persoa na oposición que no lugar de traballar por mellorar Vimianzo intente día tras día difamarme, desprestixiarme e intentar que a miña figura se vexa enturbiada por procesos xurídicos”.