48
Facerse cunha máscara foi desde o comezo da crise sanitaria case misión imposible. Hai longas listas de espera, pero tras semanas de desabastecemento, segundo os farmacéuticos, estamos preto de que a súa subministración se regularice. As farmacias tamén estaban desabastecidas de xeles, luvas e termómetros, pero os estantes comezan a repoñerse dalgúns deses produtos. Tras as primeiras semanas de incerteza e de estrés, os farmacéuticos, coma tantos outros profesionais implicados na loita contra o virus, afirman que comezan a poder desenvolver o seu traballo con menor tensión, dentro do sector tamén están a ofrecer outros servizos adicionais, como levar medicamentos ao domicilio ou a distribución de fármacos hospitalarios.