A tarxeta Xente Nova manterá en 2023 o transporte gratis aos menores de 21 anos

Tarxeta 'Xente nova'

Esta tarifa gratuíta aplícase aos usuarios da tarxeta Xente Nova en ata 60 viaxes ao mes no autobús interurbano da Xunta e no transporte en barco da ría de Vigo e no ferrocarril de proximidade na área de Ferrol.

Na actualidade, esta iniciativa pioneira para o fomento do transporte público permite viaxar de balde en toda Galicia a máis de 132.000 menores de 21 anos.

Nos primeiros dez meses de 2022, nos que hai datos completos, emitíronse máis de 24.000 novas tarxetas, o que supón un crecemento superior ao 22% con respecto a 2021.

Case a metade das altas novas, máis de 11.000, rexistráronse entre agosto e setembro debido ao impulso das bonificacións adicionais nos prezos dos billetes que está a aplicar a Xunta.