Trátase dun provedor de equipos de telecomunicacións, que prepara a apertura de tres novas sedes en España, concretamente en Xixón, A Coruña e Valencia, dentro dos plans de desenvolvemento e expansión da filial no mercado Ibérico.
ZTE conta ademais con sede central en Madrid e outra en Bilbao. Galicia foi elixida pola multinacional para instalar un centro de operacións con expertos de nivel avanzado, reforzando a actividade que actualmente se desenvolve en Bilbao e Madrid. Este é o primeiro paso para o futuro crecemento do centro nos ámbitos das redes de última xeración 5 G que ZTE está a despregar a nivel mundial.
O Grupo Euskaltel e por conseguinte R xa confiou en ZTE o manexo e operación das súas redes no País Vasco, Asturias e Galicia, ademais das zonas nas que o Grupo desprega o seu plan de expansión, tanto no que ao despregamento de redes se refire, como á introdución da tecnoloxía 5 G, un dos principais focos de atención de ZTE.