Así o suxire un estudo publicado este mércores por un equipo científico multidisciplinar na revista Nature. As súas conclusións están fundamentadas nas simulacións por computadora levadas a cabo nos centros de investigación dos Estados Unidos, China e o Reino Unido.
Segundo a súa formulación, un protoplaneta —unha especie de «embrión» de planeta— coñecido como Theia chocou coa «proto-Terra» (Gaia) fai uns 4.500 millóns de anos, o que daría lugar á formación de distintas rexións no manto terrestre.
Dos restos desta xigantesca colisión formouse a Lúa, mentres que os restos de Theia quedarían enterrados nas profundidades do manto terrestre; aínda que os investigadores advirten de que de momento non hai probas directas da existencia de Theia.