Tras oito meses de peche obrigado pola pandemia, a dama de ferro de París abriu de novo as súas portas aos turistas este venres 16 de xullo, aínda que con restricións contra a COVID-19. O seu aforo viuse restrinxido á metade: uns 13.000 visitantes diarios. O director do soado monumento, Patrick Branco Ruivo, declarou estar feliz ante a apertura.
«Antes da Covid, o 80% eran estranxeiros e os 20% franceses. O ano pasado, o 80% eran franceses e os 20% estranxeiros. Este ano é xenial porque a proporción é 50-50» explica. De momento, unhas 70.000 persoas reservaron xa a súa visita entre o que resta de xullo e agosto, a metade deles a franceses, un 15 % a estadounidenses e un terzo a europeos, con españois e italianos á cabeza. Ata o de agora eran os británicos os máis numerosos entre os turistas estranxeiros en visitar a capital francesa e a súa famosa torre.
Con todo, na actualidade as restricións sanitarias están dificultado a entrada de turistas do Reino Unido a Francia. Desde o próximo 21 de xullo, para acceder á Torre Eiffel será necesario presentar o certificado sanitario, que inclúa un test negativo de menos de 48 horas, mostre que o portador completou a súa vacinación ou probe que superou a COVID-19.