Os países da Unión Europea (UE) acordaron este sábado, por unanimidade, o ingreso gradual de Romanía e Bulgaria no espazo de libre circulación Schengen despois de que Austria, o último país dos Vinte e sete que se opoñía á medida, levantase o seu veto. A decisión implica que, a partir de marzo, eliminaranse os controis nas fronteiras interiores aéreas e marítimas con eses dous países, co compromiso ademais de Austria, Bulgaria e Romanía de acordar máis tarde a data do fin dos controis terrestres, informou a presidencia española de quenda do Consello da UE. A presidenta da Comisión Europea, Ursula von der Leyen, destacou que se trata de «un día de gran orgullo para Bulgaria e Romanía». «É un gran paso adiante para eles e para a zona Schengen. Traballaron duro para iso. Os dous meréceno. Van facer aínda máis forte á zona Schengen», concluíu.
24