A presidenta da Comisión Europea, Ursula von der Leyen, definiu como ‘chantaxe’ a decisión da empresa enerxética rusa Gazprom de interromper a subministración de gas a dous países da UE e asegurou que que Europa está disposta a axudar a Polonia e Bulgaria enviándolles gas desde os países veciños para que os consumidores non sufran as consecuencias. Von der Leyen engadiu que pagar polo gas en rublos podería supoñer un incumprimento das sancións europeas contra Rusia, xa que os contratos fixéronse en euros e deben pagarse en euros.
Rusia decidiu cortar o gas natural a Polonia e Bulgaria este mércores. Agora ameaza con facer o mesmo con outros países. Para Martin Vladimirov, experto en enerxía do Centro para o Estudo da Democracia, o obxectivo final do Kremlin está claro. «O obxectivo último non é castigar a Bulgaria e Polonia, que son pequenos consumidores de gas. Quere cambiar a mentalidade dos países máis vulnerables á manipulación rusa co gas. E eses países son Alemaña e Italia, que son os máis dependentes do gas en Europa, e iso determinaría a estratexia global europea sobre Rusia», detallou o analista.