Os ministros de Interior do bloque acordaron dous novos regulamentos para tramitar e recolocar mellor as peticións dos solicitantes de asilo, no que se bautizou como mecanismo de solidariedade. A votación tivo lugar na reunión ministerial de Xustiza e Asuntos de Interior celebrada este xoves en Luxemburgo. Segundo a ministra de Migración de Suecia, Maria Malma Stenergard, o acordo ao que se chegou é «clave para un bo equilibrio entre responsabilidade e solidariedade». Ademais, apuntou que esta «baseado nos valores europeos e a lei internacional». Stenergard explicou durante a rolda de prensa que o pacto «mellorará as normas de Dublín e fará que a determinación dos Estados membro responsables de procesar moito máis estable e ao mesmo tempo reverterá o abuso e o movemento secundario». Este mecanismo de solidariedade é unha das novas propostas para o Pacto sobre Migración e Asilo que a Comisión Europea presentou en 2020 e que segue en negociación.
33