Será o número 13 desde o inicio da invasión de Ucraína o 24 de febreiro de 2022. A medida será aprobada formalmente cando se cumpran dous anos desde o inicio do conflito. Uns 200 individuos e entidades de orixe rusa serán incluídos na lista de sancionados, sumando un total de 2.000 nomes.
A presidencia belga de quenda do Consello da Unión Europea informou a través da rede social X de que este paquete de sancións “é un dos máis amplos aprobados pola UE”. De acordo cun comunicado na conta oficial de X do alto representante da Unión Europea para Asuntos Exteriores e Seguridade, Josep Borrell, este paquete «toma accións contra entidades involucradas en evadir sancións contra os sectores de defensa e armamento».
Pola súa banda, a presidenta da Comisión Europea, Ursula von der Leyen, mostrou en X a súa satisfacción polo acordo sobre o décimo terceiro paquete de sancións contra Rusia.