A UE permitirá iniciar as negociacións co Reino Unido sobre Xibraltar

Os embaixadores dos países da Unión Europea aprobaron este venres o mandato para negociar o convenio que a Comisión Europea e o Reino Unido deben pactar sobre Xibraltar como consecuencia do Brexit. Tras o visto e prace dos diplomáticos, os ministros da UE tamén deberán dar luz verde ao mandato nunha das súas próximas reunións, nun trámite meramente formal. Con todo, as negociacións sobre a situación na que quedará o Peñón tras o Brexit entre a Comisión Europea e o Reino Unido só poderán comezar unha vez que os ministros aproben de maneira formal o texto.