Para Bruxelas a situación é «extremadamente preocupante» e pide a Alxeria dar marcha atrás na súa ruptura. «Alxeria é un aliado importante da UE no Mediterráneo e un actor crave da estabilidade rexional. Polo momento, estamos a avaliar o impacto da decisión e as solucións deben atoparse a través do diálogo e a diplomacia. Así que esperamos que en base á súa sólida e duradeira alianza, Alxeria de marcha atrás na súa decisión e traballe con España para superar os desacordos actuais», dixo a portavoz da Comisión Europea para Asuntos Exteriores e Política de Seguridade, NabilaMassrali.
A tensión entre Alxer e Madrid ameaza con cambalear o mercado do gas natural, do que Alxeria é o principal provedor de España. Desde o Goberno español din que se están analizando de forma construtiva as implicacións da medida, e aseguran que a subministración de gas está garantido. José Manuel Albares, Ministro de Exteriores de España, dixo que as empresas gasísticas trasladáronlle que «non hai ningunha dificultade con respecto a esta medida» e quixo lembrar «as palabras do Presidente da República de Alxeria o 24 de abril garantindo a subministración de gas a España».